अबदेखि ६.९९ प्रतिशतमा नै हुन्डाई भेन्यू खरिद गर्न सकिने

काठमाडौं, असार १०

नेपालको लागि हुन्डाई गाडीको आधिकारिक विक्रेता लक्ष्मी इन्टरकन्टिनेन्टलले आफ्नो भगिनी संस्था लक्ष्मी मोटर कर्पोरेसनबाट नेपालमा बनेको भेन्युको मूल्य सार्वजनिक गर्दै बिक्री वितरण बिक्री सुरु गरेको छ । नेपालमा नै हुण्डाई भेन्युको व्यवसायिक उत्पादन  गरिएको कुरालाइ ध्यानमा राखी हुण्डाई नेपाल, मेड फर योर जर्नी नाम ग्राहकमुखी योजना ल्याएको छ । यस योजनामा हुन्डाई भेन्यू खरिद गर्दा ६.९९ प्रतिशत फाइनान्सीङ्गको व्यवस्था , १० वर्षको निःशुल्क सर्भिसिङ र ३ वर्षको वारेन्टी रहने कम्पनीले  जनाएको छ । लक्ष्मी मोटर कर्पोरेसन, नेपालमा लक्ष्मी ग्रुपको लगानी तथा हुण्डाई मोटर कम्पनी सँगको प्राविधिक सहकार्यमा स्थापना भएको हो ।

लक्ष्मी मोटर कर्पोरेसनले पहिलो पटक नेपालमा भेन्यु मोडल उत्पादन सुरु गरेको र यसको बनावट, गुणस्तर, पर्फमेन्स लगायतका गुणहरु हुण्डाई मोटर कम्पनी कोरिया वा इण्डियामा बन्ने सोही मोडलका गाडिहरु सरह कै हुने कम्पनीले दाबी गरेको छ । स्वदेशमा नै उत्पादन गरी देशको औद्योगिकरण, आयात प्रतिस्थापन, रोजगारी सृजना, आन्तरिक राजस्वमा वृद्धि, शीप तथा प्रविधि विकास, सहायक उद्योगको स्थापना, आन्तरिक श्रोत तथा विद्युतको खपत, कुल गृहश्थ उत्पादनमा योगदानका साथ साथै उपभोक्तालाई सहुलियत मूल्यमा सवारी साधन उपलब्ध गराउने उद्देश्य रहेको कम्पनीले जानकारी गराएको छ । 

हाल विक्री वितरण सुरु भएको मेड इन नेपाल हुण्डाई भेन्यु १.२ (एस) मुल्य ४४ लाख ९६ हजार र भेन्यु १.२ (एसएक्स) को मुल्य ५३ लाख ५६ हजार रुपैंयाँ कायम गरिएको कम्पनीले जानकारी दिएको छ ।