तिब्बतका पार्टी सचिव र पुर्व अध्यक्ष तिमिल्सिना बीच भेटवार्ता

काठमाण्डौ, असार २२

राष्ट्रिय सभाका पुर्व अध्यक्ष गणेशप्रसाद तिमिल्सिना र  चिनियाँ कम्युनिस्ट पार्टी सिचाङ स्वायत्त क्षेत्र  ( तिब्बत ) का पार्टी सचिव वाङ चुनचङ बिच शनिबार भएको छ । चीनको तिब्बतमा आयोजितचौथो चाइना सिजाङ ट्रान्स हिमालयन फोरममा भाग लिन तिब्बत जानु भएका पुर्व अध्यक्ष तिमिल्सिना र तिब्बतका पार्टी सचिव वाङ बिचमा ल्हासामा भेटवार्तामा दुई देशको आपसीहितका सम्बन्धमा महत्वपूर्ण कुरा भएको हो । 

भेटका अवसरमा अध्यक्ष नेपालको बिकासमा चीन सरकारले पुर्‍याएको सहयोग लागि धन्यवाद दिदै चीन संग जोडिएका सिमा नाका बाह्रै महिना नियमित सञ्चालन गर्न, पोखरा अन्तर्राष्ट्रिय विमानस्थलमा ल्हासा लगायत  चीनका विभिन्न शहरबाट सिधा हवाई सेवा सञ्चालन गर्न आग्रह गरेका छन् । यसैगरी नेपालबाट हाइलेज (घाँस) , राँगा र कुखुराको मासु  र जुनारको तिब्बतमा आयात गर्न पनि आग्रह गरे । कृषि क्षेत्रमा सहकार्य बढाउन नेपाललाई उन्नत जातको नश्ल , बीउ , बिरुवा र प्रबिधि उपलब्ध गराउन आग्रह गरे । 

सचिव वाङले नेपालको बिकासमा चीन सरकारको निरन्तर निःसर्त सहयोग रहने प्रतिबद्धता ब्यक्त गर्नुका साथै नेपालबाट तिब्बतमा घाँस निर्यातलाई बढावा दिने, सवै सिमा नाकाहरु नियमित सञ्चालन गर्न  र पुर्वाधार निर्माण गर्न क्रमशः सहयोग बढाउने विश्वास दिलाए । साथै उनले चीनको एक चीन निती प्रति नेपालको समर्थन र नेपालमा चीन बिरोधी कुनै पनि गतिविधि हुन नदिने प्रतिद्धताको उच्च प्रशंसा गरे । तिब्बतका पार्टी सचिववाङले पुर्व अध्यक्ष तिमिल्स्निाको सम्मानमा रात्रीभोजको पनि आयोजना गरे ।