गुहेश्वरी मर्चेन्ट बैंकिङ एण्ड फाइनान्सको स्वतन्त्र संचालकमा राजेश मानन्धर नियुक्त

काठमाडौं, असार २३

गुहेश्वरी मर्चेन्ट बैंकिङ एण्ड फाइनान्स लिमिटेडको स्वतन्त्र संचालकमा राजेश प्रसाद मानन्धर नियुक्त भएका छन । फाइनान्स संचालक समितिको यही असार २१ गते शुक्रबार बसेको बैठकले मानन्धरलाई रिक्त रहेको स्वतन्त्र संचालक पदमा नियुक्त गरेको बताइएको छ । मानन्धरसँग बित्तिय क्षेत्रमा २६ बर्ष, इन्स्योरेन्स क्षेत्रमा २ बर्ष कार्य गरेको अनुभब रहेको छ ।

संस्थाले मुलुकभरका २३ वटा शाखाकार्यालय, ४ वटा विस्तारित काउण्टरबाट सेवा प्रदान गर्दै आइरहेको छ । ग्राहकको आवश्यकतालाई मध्यनजर गरी एटिएम सेवा, मोबाइल बैकिङ जस्ता आधुनिक बैकिङ सेवा समेत प्रदान भइरहेको छ ।