चार अंकले नेप्से घट्दा चार अर्ब ५६ करोडको सेयर किनबेच

काठमाडौं, असार २४

अघिल्लो दिन उच्च अंकले बढेको नेप्से आज सोमबार भने घटेको छ । नेप्से आज चार दशमलव ६२ अंकले घटेर २१ सय ३६ दशमलव ३५ अंकमा झरेकोमा सेन्सिटिभ पनि शुन्य दशमलव ७६ अंकले घटेर तीन सय ७७ दशमलव ४५ अंकमा पुगेको छ । नेप्सेमा आज तीन सय २४ वटा कम्पनीह्रुको ५९ हजार नौं सय ७४ पटकको कारोबारमा एक करोड चार लाख ७५ हजार एक सय ८१ कित्ता सेयर किनबेच भएका छन् । जसबाट आज कुल कारोबार रकम चार अर्ब ५६ करोड ९८ लाख ३६ हजार एक सय छ रुपैंयाँ कायम भएको छ ।

नेप्सेमा आज १३ वटा समुहहरुको सेयर कारोबार हुँदा फाईनान्स, लघुवित्त र सामुहिक लगानी कोष समुहको सुचक घटेका छन् भने बाँणिज्य बैंक, बिकास बैंक, जलबिद्युत, जीवन बीमा, निर्जीवन बीमा, होटल तथा पर्यटन, लगानी, उत्पादनमुलक, लघुवित्त, अन्य र व्यापार समुहको सुचक घटेका छन् । नेप्सेमा आज समाज लघुवित्त वित्तीय संस्थाले सबैभन्दा बढी कमाएको छ भने मैलुङ खोला जलबिद्युत कम्पनीले सबैभन्दा बढी गुमाएको छ । एनआरएन इन्फ्रास्ट्रक्चर बैंक लिमिटेडको भने आज सबैभन्दा बढी रकम कारोबार भएको छ ।