मिसेस व्यूटी क्वीन नेपाल २०२४ अडिसन सम्पन्न
![मिसेस व्यूटी क्वीन नेपाल २०२४ अडिसन सम्पन्न](https://snowberry.prixacdn.net/media/gallery_folder/MBQN_AUDITION%2520(4)_aITXALN7vN_wjzfz0vnmomb939k57giwrxliykc5wrjp0sigfwgyghnzzmzmfqe2en7ozcw_DRKCzDYhkV_rpzdl5aa5s4hwyxuree338p46gzhq8z5yo3sieh3edkrkcqtclbruel7dyyc.jpg)
काठमाडौं, असार २५
विगत १५ वर्षदेखि विभिन्न सौन्दर्य प्रतियोगिताहरूको आयोजना गर्दै आएको सिजन मिडियाले मिस मिसेस व्यूटी क्वीन नेपाल २०२४ सातौं संस्करणका लागि दोस्रो अडिसन सम्पन्न भएको छ । उक्त अडिसनवाट १५ जना छनौट गरिएको छ ।
उपत्यका लगायत मोफसलका विभिन्न ठाउवाट काठमाडौं आउनु भएका १९ वर्षदेखि ५० वर्ष सम्मका विवाहित महिलाहरुलाई मध्यनजर गर्दै उक्त कार्यक्रम आयोजना गर्न लागिएको सिजन मिडियाका कार्यक्रम निर्देशक रेजिना तुलाधरले बताइन ।
विवाहित महिलाहरुको व्यक्तित्व विकास, आत्मविश्वास अभिवृद्धि, साथै उनीहरूको आन्तरिक क्षमता उजागर गर्न कार्यक्रम गर्न लागिएको उनले बताइन । उक्त प्रतियोगीताको अन्तिम प्रतिस्पर्धा साउनको अन्तिम साता काठमाडौंमा हुनेछ । उक्त प्रतियोगितामा सहभागीताको लागि आवेदन फारम पनि खुल्ला गरेको छ ।