प्रधानमन्त्री ओलीद्वारा छिन्नलता पुरस्कार प्रदान
![प्रधानमन्त्री ओलीद्वारा छिन्नलता पुरस्कार प्रदान](https://snowberry.prixacdn.net/media/gallery_folder/20240717_161428_TCRR74ewx3_d0tzbaqxkmqxigwki1zy7brldn8glqnn5z1wgwdd5cvwktimoqrauvaodua8_bf46Io29k2_rtbsdlgdtdhqgn1x7bpd47vp6cxjyeak2mczkfr5wiapg6tbjgjqkohfqej3.jpg)
काठमाडौँ, २ साउनः
प्रधानमन्त्री केपी शर्मा ओलीले नेपाली भाषा, साहित्य र कलाको क्षेत्रमा योगदान गर्नुभएका विभिन्न व्यक्तिलाई छिन्नलता पुरस्कार प्रदान गर्नुभएको छ । गीतकार रमोलादेवी शाह ‘छिन्नलता’ को १०२औँ जन्मजयन्तीका अवसरमा आज यहाँ आयोजित कार्यक्रममा प्रधानमन्त्रीले २०७९ र २०८० सालका पुरस्कार प्रदान गर्नुभएको हो ।
प्रधानमन्त्री ओलीले २०७९ सालको छिन्नलता गीत पुरस्कार गीतकार भूषण खरेल, सङ्गीत पुरस्कार मनराजा नकर्मी, गायनतर्फ शिव परियार र युवातर्फ गायिका मेनुका पौडेललाई प्रदान गर्नुभयो । यसैगरी प्रधानमन्त्री ओलीले २०८० सालका लागि गीतकार वीरेन्द्र पाठक, सङ्गगीतकार चण्डीप्रसाद काफ्ले, गायनतर्फ मनिता सोताङ र युवातर्फ गायक भुपु पाण्डेलाई पुरस्कार प्रदान गर्नुभयो । छिन्नलता गीत, सङ्गीत र गायन पुरस्कारको राशी जनही रु एक लाखको छभने युवा पुरस्कार रु ५० हजारको छ ।
राष्ट्रिय समाचार समिति (रासस)