बेनी–जोमसोम सडक अवरुद्ध
![बेनी–जोमसोम सडक अवरुद्ध](https://snowberry.prixacdn.net/media/gallery_folder/Sirubari%2520ko%2520road%2520ma%2520khasako%2520dhunga%25202_VPQjGS3v9W_f13wpenajbdje6bvd6tp88wbubgpyorrchxinuj3fjqxfnpdefsjezdd5mze_lZTPLM3nni_i5wtpuzzhyjdkeriaxxulf3yt0p6hwhztvuril6bljij8avfpaurbnmxpapd.jpg)
म्याग्दी, ११ साउन:
रघुगङ्गा गाउँपालिका–२ सिरुबारीमा खसेको पहिरोले बेनी–जोमसोम सडक अवरुद्ध भएको छ । आज बिहान ठूलो ढुङ्गासहित खसेको पहिरोका कारण सडक अवरुद्ध भएको हो ।
बेनी–जोमसोम–कोरला सडक आयोजनाका सबइन्जिनियर सोहनजङ्ग कार्कीले सडकमा खसेको ढुङ्गा फुटाउन ‘ब्रेकर’सहितको ‘डोजर’ पठाइन लागेको जानकारी दिनुभयो । “लोडरले पहिरो र ब्रेकरले ढुङ्गा फुटाउने तयारी गरेका छौँ”, आजै सडक खोल्ने लक्ष्यका साथ काम गरिने उल्लेख गर्दै उहाँले भन्नुभयो ।
स्तरोन्नतिको क्रममा रहेको बेनी–जोमसोम–कोरला सडक आयोजनाका निर्माण व्यवसायी, सडक विभागका उपकरण, प्राविधिक र मजदुर पहिरो पन्छाउन परिचालन भएका छन् ।
राष्ट्रिय समाचार समिति (रासस)