नेपाल वायुसेवा निगम धेरै कार्गो बोक्ने एयरलाइन्सको रुपमा सम्मानित

काठमाडौं, साउन १४,
 

नेपाल वायुसेवा निगम सन् २०२३ मा नेपालबाट धेरै कार्गो बोक्ने दोस्रो एयरलाइन्सको रुपमा सम्मानित भएको छ । नेपाल फ्रेट फरवार्डस एशोसिएसनद्धारा  २९ जुलाई, २०२४ मा काठमाडौंमा आयोजित ३० औं कार्गो दिवसको सु–अवसरमा यो सम्मान गरिएको हो । 
 

निगमका कार्यकारी अध्यक्ष युबराज अधिकारीले निगमले आफ्ना अन्तर्राष्ट्रिय गन्तव्यहरुमा डयान्जरस गुड्स (डिजी) लगायत कार्गो बोक्दै आइरहेको र यस्ता सम्मानबाट कार्गो व्यापारलाई बढाउन अझै हौसला मिलेको बताउँदै यस कार्यमा सहयोग गर्ने सबै सरोकारवालाहरु, कार्गो एजेन्ट, फ्रेट फरवार्डस तथा कर्मचारीहरुलाई धन्यवाद ज्ञापन गरे ।