सेयर बजारका सबै सूचक बढ्दा कारोबार रकम भने घट्यो
काठमाडौं, ६ कात्तिक । यसअघिका दुई दिन लगातार आरालो लागेको सेयर बजार मंगलबार २५.८८ अंक बढेको छ ।
उक्त अंकको वृद्धिपछि नेप्से परिसूचक २६६५ मा कायम भएको छ । नेप्सेका अलावा अन्य सबै सूचक समेत बढे। बजारको अंक केही बढेको भएपनि कारोबार रकम भने आज घटेको छ ।
अघिल्लो दिन ५ अर्ब ९० करोडको कारोबार भएकोमा आज ४ अर्ब १७ करोडमा सीमित रह्यो। १९९ कम्पनीको मूल्य बढ्दा ४० को घट्यो भने ५ को स्थिर रह्यो ।
