सुर्खेतमा गाडी दुर्घटना: एक जनाको मृत्यु, ६ घाइते
सुर्खेत, ८ कात्तिक। सुर्खेतको बराहतालमा गाडी दुर्घटनामा परी एक जनाको ज्यान गएको छ भने ६ जना घाइते भएका छन् ।
बिहीबार बिहान जुम्लाबाट सुर्खेततर्फ आइरहेको कर्णाली प्रदेश ०२००१ ख १०१४ नम्बरको गाडी बराहताल गाउँपालिका–८ हुड्केमा दुर्घटना ग्रस्त भएको हो ।
उक्त दुर्घटनामा परी दैलेखको ठाटीकाँध गाउँपालिका–४ का ३५ वर्षीय दीपक शाहीको दुखद निधन भएको छ ।
दुर्घटनामा परी गम्भीर घाइते उनलाई उपचारको लागि प्रदेश अस्पताल सुर्खेत पुर्याइएको थियो ।
तर, जिल्ला प्रहरी कार्यालय सुर्खेतका प्रहरी नायव उपरीक्षक वीरेन्द्रवीर विश्वकर्माले चिकित्सकले लगत्तै मृत घोषणा गरेको जानकारी दिए ।
गाडी दुर्घटनामा अन्य ६ जना घाइतेहरुको कर्णाली केयर अस्पतालमा उपचार भइरहेको प्रहरीले जनाएको छ ।
