मुस्ताङमा ८ लाख ५२ हजार नगदसहित १२ जुवाडे पक्राउ
काठमाडौं, १९ कात्तिक । मुस्ताङमा साढे ८ लाख नगदसहित १२ जना जुवाडे पक्राउ परेका छन् ।
आइतबार राति घरपझोङ गाउँपालिका-२ मार्फास्थित फिरोज लालचनको माउन्ट भिल्ला एण्ड रेष्टुरेन्टबाट उनीहरुलाई नियन्त्रणमा लिइएको जिल्ल्ला प्रहरी कार्यालय मुस्ताङका सूचना अधिकारी गणेश सुवेदीले जानकारी दिए ।
उनका अनुसार, उनीहरूको साथबाट ८ लाख ५२ हजार ८०० नगदसहित ८ बुक तास पनि प्रहरीले बरामद गरेको छ ।
पक्राउ परेकाहरूलाई मंगलबार म्याद थप गरेर थप अनुसन्धान गरिने प्रहरीले जनाएको छ ।
