रौतहटमा पेस्तोलसहित एक भारतीय नागरिक पक्राउ
काठमाडौं, १९ कात्तिक । रौतहटमा पेस्तोलसहित एक जना भारतीय नागरिक पक्राउ परेका छन् । आज दिउँसो राजदेवी नगरपालिका-९ ब्रहमपुरीबाट ४२ वर्षीय राजेश सिंह पक्राउ परेका हुन् ।
भिनाजु नाता पर्ने संजिव सिंहको भट्टी पसलबाट उनलाई सशस्त्रको बेलविछवा बीओपीको टोलीले नियन्त्रणमा लिएको हो ।
उनको साथबाट एउटा कुवा पेस्तोलसहित त्यसमा लाग्ने तीन राउण्ड गोली र एउटा खोका बरामद गरिएको प्रहरी जनाएको छ ।
हिरासतमा लिई उनीमाथि थप अनुसन्धान भइरहेको प्रहरीले जनाएकाे छ ।
