कालीकोटमा जीप दुर्घटना: ६ जनाको मृत्यु, १३ घाइते

 सुर्खेत, २५ कात्तिक । कालीकोटमा भएको जीप दुर्घटनामा परी ६ जनाको मृत्यु भएको छ, भने १३ जना घाइते भएका छन् ।

आज (आइतबार)  दिउँसो पलाँता गाउँपालिका–३ को राहुनेटा भन्‍ने ठाउँमा जीप दुर्घटना हुँदा ६ जनाको ज्यान गएको  जिल्ला प्रहरी कार्यालय कालीकोटका प्रहरी निरीक्षक गोविन्दप्रसाद चौधरीले जानकारी दिए ।

उक्त दुर्घटनामा  परेर घाइते भएका १३ जनालाई उपचारका लागि कर्णाली प्रदेश अस्पताल सुर्खेत ल्याउने तयारी गरिएको बताइएको छ।

उनीहरुलाई लिन नेपाली सेनाको हेलिकप्टर घटना स्थल गएको प्रहरीले जनाएको छ । घटनाबारे थप विवरण आउन बाँकी छ ।