यू–१९ महिला टी–२० विश्वकप छनोट : नेपालले आज कुवेतसँग खेल्दै

काठमाडौं, २७ कात्तिक । यूएईमा जारी यू–१९ महिला टी–२० विश्वकप छनोटअन्तर्गत आफ्नो चौथो खेलमा नेपालले आज कुवेतसँग प्रतिस्पर्धा गर्दैछ । 

उक्त खेल दुबईस्थित दी सेभेन्स मैदानमा नेपाली समय अनुसार बिहान सवा ११ बजे सुरु हुनेछ ।

प्रतियोगितामा यसअघि चार मध्ये तीन खेल नेपालले  जितेको छ ।  पहिलो खेलमा कुवेतलाई १०८ रनले पराजित गरेको थियो ।  नेपाल ४ खेलबाट ६ अंकसहित दोस्रो स्थानमा छ । कुवेत भने  लगातार पराजित हुँदै अंकविहीन छ ।

नेपालले पहिलो खेलमा थाइल्याण्डलाई ६७ रनले र दोस्रो खेलमा कुवेतलाई १०८ रनले हराएको थियो । त्यसपछि यूएईसँग १३ रनले पराजित भएको नेपालले थाइल्याण्डलाई फेरि १०६ रनले हरायो ।

चार टोली सम्मेलित छनोट प्रतियोगितामा डबल राउण्ड रोविनका आधारमा खेल भइरहेको छ र शीर्ष स्थानमा रहने टोली मात्र यू–१९ महिला टी–२० विश्वकपमा छनोट हुनेछ ।

घरेलु टोली यूएई सबै चार खेल जितेर ८ अंकसहित शीर्ष स्थानमा छ । यूएईले आज थाइल्याण्डसँग खेल्नेछ ।

आफ्नो अन्तिम खेलमा बुधबार नेपालले यूएईको सामना गर्ने खेल तालिका छ ।