कीर्तिपुरको मेयरमा बाबुराम भट्टराई नेतृत्वको नेसपाका दिलकुमार महर्जनको उम्मेदवारी
काठमाडौं, २ मंसिर । कीर्तिपुर नगरपालिकाको मेयर पदमा डा.बाबुराम भट्टराई नेतृत्वको नेपाल समाजवादी पार्टी (नेसपा) का दिलकुमार महर्जनले उम्मेदवारी दिएका छन् ।
यही मंसिर १६ गते हुने स्थानीय तह उपनिर्वाचनका लागि महर्जनले आज पहिलो नम्बरमा उम्मेदवारी दर्ता गराएका हुन् ।
यस्तै, नेकपा एमालेका डा सुरेन्द्र महर्जन, नेपाली कांग्रेसका कृष्णमान डंगोल, नेकपा माओवादी केन्द्रबाट प्रा।डा। शिवशरण महर्जन, राप्रपाका ध्रुव महर्जन कीर्तिपुरको मेयरमा उम्मेदवार बनेका छन् ।
एकीकृत समाजवादी र नेसपाको महिन्द्रराय यादव समूहले भने कीर्तिपुरको मेयर पदमा माओवादी केन्द्रका उम्मेदवारलाई समर्थन गर्ने जनाएका छन् ।
