टस जितेर कर्नाटकविरुद्ध पहिले ब्याटिङ गर्दै नेपाल
काठमाडौं, ४ मंसिर । नेपाली यू–१९ राष्ट्रिय क्रिकेट टोलीले भारतको कर्नाटक यू–१९ टोलीसँग प्रतिस्पर्धा गर्दै छ ।
काठमाडौंको मुलपानी क्रिकेट मैदानमा टस जितेर नेपालले पहिले ब्याटिङ सुरु गरेको हो । यो चौथो खेल हो ।
यसअघि भएको पहिलो खेलमा पराजित भएको नेपालले दोस्रो र तेस्रो खेलमा जित हात पार्दै पाँच खेलको शृङ्खला २–१ को अग्रतासहित खेलिरहेको छ ।
आइतबार भएको तेस्रो अभ्यास खेलमा नेपाल १२१ रनले जित निकालेको थियो। आजको खेलमा विजयी भएमा नेपालले एक खेल बाँकी हुँदै शृङ्खला नै जित्नेछ । अन्तिम खेल बिहीबार हुनेछ ।
