फेरि बढ्न थाल्यो सुनको भाउ, आज कति पुग्यो ?
काठमाडौं, ४ मंसिर । दुई दिनयता सुनको मूल्य उकालो लागेको छ । अन्तर्राष्ट्रिय बजारमा सुनको मूल्यमा आएको उतारचढावसँगै नेपाली बजारमा पनि बढेको नेपाल सुनचाँदी व्यवसायी महासंघले जनाएको छ ।
आइतबार तोला १ लाख ६० हजार रुपैयाँमा रहेको सुन सोमबार १ हजार बढेको थियो । आज (मंगलबार) फेरि ११ सय बढेसँगै प्रतितोला १ लाख ६२ हजार १ सय पुगेको छ ।
यसअघि कात्तिक १५ गते सुनको भाउ अहिलेसम्मकै उच्च १ लाख ७१ हजार पुगेको थियो । त्यसयता घट्दै गत आइतबार १ लाख ६० हजारसम्म खस्किएको थियो ।
यस्तै, चाँदीको भाउ पनि आज बढेको छ । अघिल्लो दिन तोला १९२० रुपैयाँ रहेकोमा चाँदी यस दिन १९५५ रुपैयाँमा खरिदबिक्री भइरहेको जनाइएको छ ।
