सर्लाहीमा ढुंगा प्रहार गरी महिलाको हत्या

काठमाडौं, ७ पुस । सर्लाहीमा ढुंगा प्रहार गरेर एक महिलाको हत्या गरिएको छ । हत्या आरोपमा प्रहरीले एक जनालाई पक्राउ गरेको छ ।

पक्राउ पर्नेमा सर्लाहीकै ईश्वरपुर नगरपालिका–१२ घारिबथान बस्ने ४८ वर्षीय बीरबहादुर मोक्तान छन् । उनले लालबन्दी नगरपालिका–१५ तीनतले देउराली बस्ने ६५ वर्षीया विष्णुमाया बम्जनको हत्या गरेको आरोप छ ।

वीरबहादुरले मंसिर २८ गते राति ढुंगा प्रहार गर्दा बिष्णुमाया गम्भीर घाइते भएकी थिइन् । आज आइतबार लालबन्दीस्थित म्याक्स अस्पतालमा उपचारको क्रममा उनको मृत्यु भएको हो ।

विष्णुमायाको मृत्यु भएपछि अस्थायी प्रहरी पोष्ट परवानीपुरबाट खटिएको प्रहरी टोलीले वीरबहादुरलाई पक्राउ गरेको हो ।