साढे एक लाख प्रतिबन्धित लागुऔषध ट्रमाडोल क्याप्सुल बरामद, एक जना पक्राउ

काठमाडौं, ७ पुस ।  सशस्त्र प्रहरीले किराना पसलमा अवैध लागूऔषध बेचबिखन गरेको आरोपमा एक जनालाई नियन्त्रणमा लिएको छ ।

पक्राउ पर्नेमा वीरगञ्जको प्रगतिनगरका राजाराम महतो कोइरी छन् । प्रस्तावित सीमा सुरक्षा गुल्म वीरगंजबाट सशस्त्र प्रहरी नायव उपरीक्षक सुरज रिजालको कमाण्डमा खटिएको नं. १३ गण पर्सा, बिओपी सिर्सिया र वीरगंज भन्सार कार्यालयको संयुक्त टोलीले उनलाई समातेको हो । 

वीरगञ्ज–३ प्रगतीनगरमा उनले सञ्चालन गरेको सृष्टि किराना जेनरल स्टोरबाट लागूऔषध बरामद  गरिएको  थियो ।  एक लाख ५१ हजार ८६० क्याप्सुल ट्रमाडोल हाइड्रोक्लोराइड नामक लागूऔषध पाँचवटा कार्टुनमा अवैधरुपले भण्डारण गरी राखिएको अवस्थामा बरामद गरिएको हो । 

स्टोर संचालक कोइरीलाई समेत वीरगंज भन्सार कार्यालय अगाडीबाट सशस्त्र प्रहरी बलले पक्राउ गरेको छ ।

नियन्त्रणमा लिइएका कोइरीलाई बरामद लागूऔषधसहित आवश्यक कारवाहीको लागि प्रहरीलाई जिम्मा लगाइएको सशस्त्र प्रहरीले जनाएको छ ।