साफ च्याम्पियनसिप: माल्दिभ्सलाई पराजित गर्दै भुटान सेमिफाइनलमा

काठमाडौं, ८ कात्तिक । माल्दिभ्सलाई १३–० ले परास्त गर्दै भुटान साफ वुमन्स च्याम्पियनसिपको सेमिफाइनलमा प्रवेश गरेको छ । 

'समूह बी' अन्तर्गत आज बिहीबार दशरथ रंगशालमा भएको प्रतिस्पर्धामा भुटानको विजयमा देकी लाजोमले डबल ह्याट्रिक गरिन् ।

जितपछि समूह बी मा भुटान ३ खेलबाट ७ अंक जोड्दै  सेमिफाइनलमा प्रवेश गरेको हो । 

घरेलु टोली नेपाल र श्रीलंकाबीचको खेलबाट सेमिफाइनल पुग्ने अर्को टोलीको टुङ्गो लाग्नेछ । दुई खेलबाट नेपालको ४ अंक छ भने श्रीलंकाको ३ अंक छ ।

भुटानले माल्दिभ्सलाई फराकिलो अन्तरले पराजित गरेकोले नेपालले 'समूह बी' को विजेता बन्न श्रीलंकालाई कम्तीमा पनि ६ गोल अन्तरले हराउनु पर्नेछ ।