लिग टु क्रिकेट: नेपालले अमेरिकासँग प्रतिस्पर्धा गर्दै
काठमाडौं, ११ कात्तिक । नेपालले आईसीसी क्रिकेट विश्वकप लिग टु अन्तर्गत आफ्नो तेस्रो सिरिजको पहिलो खेलमा अमेरिकासँग प्रतिस्पर्धा गर्दैछ ।
नेपाली समय अनुसार राति ९:१५ बजे डालासस्थित ग्राण्डप्रेरी स्टेडियममा खेल सुरु हुनेछ ।
नेपाल र अमेरिका सँगै स्कटल्याण्ड पनि सहभागी रहेको यस सिरिजको पहिलो खेल शुक्रबार भएको थियो । सो खेलमा स्कटल्याण्डले अमेरिकालाई १० विकेटले परास्त गरेको थियो ।
पहिलो खेलमा स्कटल्याण्डसँग लज्जासपद पराजयपछि नेपाल र अमेरिका दुवै टोली दबाबमा छन् । यसअघि नेपाल क्यानडा र ओमान सम्मिलित लिग टु सिरिजमा नेपाल जितविहीन बनेको थियो ।
लिग टु को अमेरिका सिरिजका लागि रोहितको कप्तानीमा १५ सदस्यीय टोली घोषणा भइसकेको छ ।
जसमा टी-२० सिरिज गुमाएका सन्दीप लामिछानेले पुनरागमन गरेका छन् ।
