आईसीसी विश्वकप लिग टु : स्कटल्याण्डसँग प्रतिस्पर्धा गर्दै नेपाल
काठमाडौं, १३ कात्तिक । आईसीसी क्रिकेट विश्वकप लिग टु अन्तर्गत अमेरिकामा जारी सिरिजमा नेपालले आफ्नो दोस्रो खेल स्कटल्याण्डविरुद्ध खेल्दैछ ।
नेपाली समय अनुसार राति सवा ९ बजे ढालासस्थित ग्राण्ड प्रेरी स्टेडियममा खेल सुरु हुनेछ ।
नेपाल, स्कटल्याण्ड र अमेरिका सहभागी यस सिरिजको पहिलो खेलमा नेपाल घरेलु टोलीसँग ३ विकेटले हारेको थियो । स्कटल्याण्डले भने आफ्नो पहिलो खेलमै अमेरिकालाई १० विकेटले पराजित गर्दै जित निकालेको थियो ।
स्कटिङ टोली लयमा छ भने नेपालले लिग टु मा पछिल्लो समय राम्रो प्रदर्शन देखाउन सकिरहेको छैन् । पहिलो खेलमा राम्रो ब्याटिङ गर्दै २८६ रन बनाए पनि नेपालले स्कोर डिफेन्ड गर्न सकेन ।
नेपाल लिग टु मा ७ खेल यता जितविहीन छ । २०२४ फेब्रुअरीमा घरेलु मैदानमा भएको लिग टु को पहिलो सिरिजमा नेपालले आफ्नो दोस्रो खेलमा नेदरल्याण्ड्सलाई पराजित गरेको थियो। त्यो नै नेपालको एक मात्र जित हो ।
अहिलेसम्म ९ खेलबाट जम्मा ३ अंक रहेको नेपाल ८ टोली सम्मिलित लिग टु को सातौं स्थानमा छ । नेपालले ९ मध्ये ७ खेलमा पराजित भएको छ ।
