काठमाडौं र ललितपुरमा तीन जना मृत अवस्थामा फेला
काठमाडौं, ६ मंसिर । काठमाडौं र ललितपुरका तीन भिन्नाभिन्नै स्थानमातीन वटा शव भेटिएका छन् ।
काठमाडौं महानगरपालिका–१६ माछापोखरी बसन्तनगरस्थित क्लासिकल होटलमा एउटा शव भेटिएको छ । नुवाकोटको ककनी गाउँपालिका–६ घर भएका २८ वर्षीय भोला पाठक बिहीबार मृत अवस्थामा फेला परेका छन् ।
यस्तै, काठमाडौं महानगरपालिका–१६ माछापोखरी मितेरी पुल नजिकै खाली जग्गामा रहेको पुरानो ठेलामाथि एक पुरुषको शव फेला परेको छ । हाल नामथर र ठेगाना नखुलेका अन्दाजी ५५ वर्षका पुरूष बिहीबार मृत अवस्थामा फेला परेका हुन् ।
उता ललितपुर महानगरपालिका–२५ स्थित नख्खु खोलामा पनि नामथर, ठेगाना नखुलेका अन्दाजी ४५ वर्षीय पुरूष आज (बिहीबार) मृत अवस्थामा फेला परेका छन् ।
