तोकियो कीर्तिपुरको निर्वाचनका लागि मतदान केन्द्र

काठमाडौं, ११ मंसिर । १६ मंसिरमा हुने उपनिर्वाचनका लागि कीर्तिपुर नगरपालिकामा २० मतदान स्थल तोकिएका छन् । कीर्तिपुरका सहायक निर्वाचन अधिकृत पुरुषोत्तम पौड्यालले मतदान स्थल तय भएको जानकारी दिए । 

आसन्न स्थानीय तह उपनिर्वाचनमा बाघभैरव मन्दिर, इन्द्रायणी आधारभूत विद्यालय, विश्वराष्ट्रिय मावि, ३ वडाको साविक कार्यालय, भगवानस्थान गम्चाचौर, बाघभैरव मावि, सल्यानस्था आधारभूत विद्यालय, देउखेल पाँगा मतदान स्थल तोकिएका हुन् । 

त्यस्तै, जनसेवा मावि, गरुडस्थान परिसर चोभार, ६ नम्बर वडा कार्यालय, जल विनायक आधारभूत विद्यालय, रेडिषृ मनिटरिङ टावर स्टेशन, वैष्णव मावि, नजज्योति आधारभूत विद्यालय, ८ नम्बर वडा कार्यालय, कीर्तिपुर मावि, विद्याश्रम आधारभूत विद्यालय, १० नम्बर वडा कार्यालय र जगतपाल महाविरलाई मतदान केन्द्रका रुपमा तोकिएको छ । 

नगर प्रमुखका लागि कीर्तिपुरमा राजनीतिक दल र स्वतन्त्र गरी जम्मा २० जना उम्मेदवारबीच चुनावी प्रतिस्पर्धा हुनेछ ।