पूर्वप्रधानमन्त्री डा.बाबुराम भट्टराई वडाध्यक्षलाई भोट माग्दै

काठमाडौं, ११ मंसिर । गृह जिल्ला गोरखामा पुगेका पूर्वप्रधानमन्त्री डा.बाबुराम भट्टराई आफ्ना पार्टीका वडाध्यक्ष उम्मेदवारका लागि भोट माग्न सक्रियतापूर्वक लागेका छन्।

गोरखाको गोरखा नगरपालिका–५ मा वडाध्यक्ष पदको उपचुनाव हुँदैछ । यो उपचुनावमा भट्टराई नेतृत्वको नेपाल समाजवादी पार्टी (नयाँ शक्ति) का तर्फबाट रुपेश मग्राती उम्मेदवार बनेका छन्।

तिनै रुपेशलाई मत मागिरहेको तस्वीर पूर्वप्रधानमन्त्री भट्टराईले सामाजिक सञ्जालमार्फत सार्वजनिक गरेका छन् ।

‘गोरखा नपा–५ का नेसपा (नयाँ शक्ति) तर्फबाट वडाध्यक्ष उम्मेदवार रुपेश मग्रातीको उत्साहजनक घरदैलो कार्यक्रम’ तस्वीर सहितको स्टाटस भट्टराईले राखेका छन् ।