एमालेले बोलायो सचिवालय बैठक, यस्ता छन् एजेण्डा

काठमाडौं, ७ पुस । सत्तारुढ नेकपा एमालेले केन्द्रीय सचिवालय बैठक बोलाएको छ ।

एमाले केन्द्रीय प्रचार विभाग प्रमुख राजेन्द्र गौतमले पुस १० गते बुधबार ललितपुरको च्यासलस्थित केन्द्रीय कार्यालयमा बैठक डाकिएको जानकारी दिए ।

बैठकमा केन्द्रीय कमिटी बैठकको तयारी, केन्द्रीय कमिटी बैठकको कार्यसूची, सङ्गठन विस्तार योजना लगायत एजेण्डामाथि छलफल हुने उनले बताए ।

बैठकमा सरकारका कामकारबाही र समसामयिक राजनीतिबारे पनि छलफल गर्ने बताइएको छ ।