भक्तपुरमा मोटरसाइकल दुर्घटना, चालकको मृत्यु

काठमाडौं, ७ पुस । भक्तपुरको सूर्यबिनायक नगरपालिका–१० बाँसघारी नजिकै सडकमा मोटरसाइकल दुर्घटना हुँदा चालकको ज्यान गएको छ ।

साँगाबाट जगातीतर्फ आउँदै गरेको बागमती प्रदेश–०२–०४० प ३२२४ नम्बरको मोटरसाइकल अनियन्त्रित भई शनिबार राति दुर्घटना भएको थियो ।

दुर्घटनामा मोटरसाइकल चालक चालक धनुषा घर भई काठमाडौं कीर्तिपुर बस्ने २९ वर्षीय सिदान्त साहको मृत्यु भएको छ ।

उक्त दुर्घटनामा गम्भीर घाइते भएका उनको मध्यपुर अस्पताल ठिमीमा उपचारको क्रममा निधन भएको हो ।