चार महिनापछि सार्वजनिक लेखा समितिको बैठक आह्वान

काठमाडौं, ७ पुस । प्रतिनिधि सभा अन्तर्गतको सार्वजनिक लेखा समितिको बैठक आह्वान गरिएको छ । सोमबार दिउँसो १ बजे बस्नेगरी बैठक बोलाइएको समितिका सचव एकराम गिरीले जानकारी दिए । 

सिंहदरबारस्थित समितिको सभाकक्षमा बस्ने बैठकमा बेरुजुबारे छलफल गर्न गठित उपसमितिको कामको समीक्षा गर्ने कार्यसूची छ ।

सार्वजनिक लेखा समिति अन्तर्गत विभिन्न मन्त्रालय, संवैधानिक आयोग र अन्य सरकारी निकायको बेरुजु सम्परीक्षण गर्नका लागि ९ वटा उपसमिति रहेका छन् ।

उपसमितिले महालेखापरीक्षकको वार्षिक प्रतिवेदनमा देखिएका बेरुजुको सम्परीक्षणको काम उपसमितिले गरिररहेका छन् ।