मे महिनामा चीनको निर्यातमा वृद्धि, आयातमा कमी : भन्सार

बेइजिङ, २५ जेठ (रासस/एएफपी) :

मे महिनामा चीनको निर्यात अपेक्षा गरिएभन्दा निकै बढी बढेको तर आयातमा कमी आएको सरकारी तथ्याङ्कले शुक्रबार देखाएको छ । राजश्व प्रशासनले अप्रिलको १.५ प्रतिशतको तुलनामा निर्यातमा धेरै राम्रो भएको र यो दरले ब्लुमबर्ग सर्वेक्षणमा विश्लेषकले गरेको ५.७ प्रतिशतको पूर्वानुमानलाई पनि उछिनेको बताएको छ । चीनमा निर्यातले ऐतिहासिक रूपमा एक महत्त्वपूर्ण आर्थिक इन्जिनको रूपमा सेवा गरेको छ । विदेशी निर्यातको राम्रो प्रदर्शनले हजारौँ कम्पनीहरूको रोजगारीमा प्रत्यक्ष प्रभाव पारेको छ । पछिल्लो आँकडाले लगातार दोस्रो महिनाको वृद्धिको प्रतिनिधित्व गर्दछ । अघिल्लो बर्षको तुलनामा मार्चमा छोटो समयका लागि चीनको निर्यात दरमा ७.५ प्रतिशत गिरावट आएको थियो ।

पछिल्लो समय महाशक्ति राष्ट्रहरूबीच जारी भूराजनीतिक विवादका बीच संयुक्त राज्य अमेरिकासँगको संयुक्त निर्यात र आयात मे महिनामा १.४ प्रतिशतले घटेको छ । सन् २०२० पछि पहिलो पटक चीनले रूसलाई निर्यात गरेको र चीन र रूसबीचको व्यापार गत महिना २.९ प्रतिशतले वृद्धि भएको छ । सन् २०२२ मा रूसले युक्रेनमाथि आक्रमण गरेपछि बेइजिङ र मस्कोबीच आर्थिक र राजनीतिक सम्बन्ध मजबुत भएको छ । चीनको कुल आयात अप्रिलमा ८.४ प्रतिशतले वृद्धि भएकोमा मे महिनामा थप १.८ प्रतिशतले वृद्धि भएको तथ्याङ्कले देखाएको छ ।

सन् २०२२ को अन्त्यमा कडा महामारी प्रतिबन्धहरू हटाएपछि चीनमा बहुप्रतिक्षित आर्थिक पुनरुत्थान अपेक्षा गरिएभन्दा कम भएको छ । बेइजिङका नीति निर्माताहरूले अब अनिश्चित आर्थिक स्थितिको सामना गरिरहेका छन्, किनकि रियल स्टेट क्षेत्रमा ऋण सङ्कट र उच्च युवा बेरोजगारीले उपभोक्ताको विश्वासलाई तौलने खतरा छ । निर्यातमा पछिल्लो उछालले चीनको व्यापार अधिशेष अप्रिलमा ७२.४ अर्ब डलरबाट ८२.६ अर्ब डलरमा पु¥याएको छ ।