रास्वपाले बोलायो केन्द्रीय समिति, यी हुन् छलफलका विषय

 काठमाडौं, २३ कात्तिक । राष्ट्रिय स्वतन्त्र पार्टी (रास्वपा) ले केन्द्रीय समितिको बैठक बोलाएको छ ।

रास्वपाका कार्यवाहक प्रवक्ता मनिष झाका अनुसार, केन्द्रीय समितिको बैठक कात्तिक २४ गते भोलि (शनिबार) को दिन बिहान साढे ११ बजे पार्टी केन्द्रीय कार्यालय बनस्थलीमा बस्न लागेको हो । 

बैठकमा आगामी मंसिर १६ गते हुने स्थानीय तह उपनिर्वाचन, समसामयिक राजनीतिक गतिविधि, पार्टीको सांगठनिक गतिविधि लगायतका विषयमा छलफल हुने कार्यसूची रहेको उनले जानकारी दिए ।

यसैगरी, आगामी राजनीतिक सहकार्यका न्यूनतम मुद्दा र संघर्षका मोडालिटी पनि बैठकको एजेण्डामा राखिएको समेत कार्यवाहक प्रवक्ता झाले जानकारी दिए ।