जनकपुरले एनपीएल जितेकोमा सखुवा प्रसौनी गाउँपालिकामा आज सार्वजनिक बिदा

काठमाडौं, ७ पुस। नेपाल प्रिमियर लिग (एनपीएल) को उपाधि जनकपुर बोल्ट्सले ऐतिहासिक जित निकालेको खुसीयालीमा पर्साको सखुवा प्रसौनी गाउँपालिकाले आज सार्वजनिक बिदा दिएको छ ।

जनकपुरले एनपीएलमा जित हाँसिल गरेकाले शनिबार बसेको कार्यपालिका बैठकको निर्णयअनुसार आइतबार सार्वजनिक बिदा दिने निर्णय गरेको हो ।

पालिकाले जारी गरेको सूचनामा उल्लेख गरिएअनुसार, आइतबार सबै वडा कार्यालय, शैक्षिक संस्था, बैंक तथा वित्तीय संस्था, सबै स्वास्थ्य चौकीमा अत्यावश्यक बाहेक सबैमा स्थानीय बिदा दिइएको छ ।

त्रिवि क्रिकेट मैदानमा शनिबार भएको फाइनल खेलमा सुदूरपश्चिम रोयल्सलाई ५ विकेटले पराजित गर्दै जनकपुर बोल्टस्ले पहिलो एनपीएल उपाधि हात पारेको हो ।  मंसिर १६ गतेदेखि भएको प्रतियोगितामा ८ फ्रेन्चाइज टिमले सहभागिता जनाएका थिए ।