"वाडा अटो शो–२०२५" पोखरामा टाटाको नयाँ ईभीहरू सार्वजनिक

पोखरा। चैत १७ सम्म चल्ने "वाडा अटो शो–२०२५" को अवसरमा टाटा मोटर्सको नेपालका लागि एक मात्र आधिकारिक वितरक सिप्रदी ट्रेडिङ्गले नयाँ इलेक्ट्रिक गाडी कर्भ.ईभी एसयुभी कूपे  र नेक्सन के३.ईभी सार्वजनिक गरेको छ।

पोखरा महानगर प्रमुख धनराज आचार्य, सिप्रदीका सिइओ राजनबाबु श्रेष्ठ, सिओओ राजेश प्रसाद गिरि, प्यासेन्जर भेहिकल बिजनेस युनिट प्रमुख सावन्त जङ्ग सिजापती, टाटा मोटर्स रिजनल कस्टमरकेयर (दक्षिण एसिया) हेड रनधीर कुमार चौधरी, र टाटा मोटर्स कन्ट्री म्यानेजर प्रसन्न रङ्गनाथनले संयुक्त रूपमा नयाँ ईभीहरु सार्वजनिक गरेका छन्।

नेपाल अटो मोबाइल डिलर्स एसोसिएशन (नाडा) र पश्चिमाञ्चल अटो मोबाइल डिलर्स एसोसिएशन (वाडा) को संयुक्त आयोजनामा पोखरामा “वाडा अटो शो–२०२५“ को आयोजना भएको हो।

नेक्सन के३.ईभी : नेपाली सडकको लागि अनुकूल

टाटा नेक्सन के३ इभीमा १९० मिमि ग्राउन्ड क्लियरेन्स, ६ एयरब्याग, ३६०–डिग्री क्यामेरा, १२–इन्च टचस्क्रिन जस्ता विशेषताहरू रहेका छन्। यसले नेपाली भौगोलिक अवस्था अनुरूप सहज यात्रा दिने विश्वास गरिएको छ। यस गाडीको सुरुवाती मूल्य ४८.९९ लाख रुपैयाँ तोकिएको छ।

कर्भ.ईभी : उच्च प्रदर्शन इलेक्ट्रिक एसयुभी कूपे

कर्भ ईभीमा ५५ किलोवाट आवरको ब्याट्री प्याक र ९८ किलोवाट क्षमताको इलेक्ट्रीक मोटर रहेको छ। ५०० लिटरको बुटस्पेस र १८६ एमएमको ग्राउन्ड क्लियरेन्स भएकोले नेपाली बाटोमा सजिलै आरामदायी यात्रा गर्न सकिनेछ। जसको टप भेरियन्टको मूल्य रु.५६.९९ लाख रहेको छ।

यसमा एडिएएस लेभल २ को क्षमता रहेको छ। जसमा ६ वटा एयरब्याग, अल–ह्वील डिस्कब्रेक, अटोहोल्ड, हिलस्टार्ट डिसेन्ट असिस्ट, ३६० डिग्री क्यामेरा, आइ–भीबीएससहितको इएसपी रहेको कर्भ.ईभीले सुरक्षा र आराम दुवैको स्तरलाई बढाउँछ । गाडीमा ३१.२४ सेन्टिमिटरको सिनेमाटिक टच स्क्रिन इन्फोटेन्मेन्ट, २६.०३ सेन्टिमिटरको डिजिटल ककपिट, भ्वाइस–असिस्टेड पानोरामिक सनरूफ, एम्बियन्ट लाइटिङ, भेन्टिलेटेड सिटजस्ता विशेषताहरू छन्।

इच्छुक ग्राहकहरूले जारी वाडा अटो शो को स्टिल नम्बर (ए३) मा टाटाका कर्भ.ईभी र नेक्सन के३.ईभी अवलोकनका साथै बुकिङ गर्न सकिने छ। यसअघि सिप्रदीले पूर्वदेखि पश्चिमसम्म नयाँ ईभीहरु सार्वजनिक गर्दै वाडा अटो शो–२०२५ लाई लक्षित गर्दै पोखरामा सार्वजनिक गरेको हो। यसरी, नयाँ प्रविधि र सुविधा सम्पन्न इलेक्ट्रिक गाडीहरूले नेपाली उपभोक्ताको ध्यान आकर्षित गर्ने अपेक्षा सिप्रदी ट्रेडिङ्गले गरेको छ।