बीपीएल अक्सनमा सन्दीप लामिछानेसहित ५ खेलाडी सूचीकृत
बंगलादेश प्रिमियर लिग (बीपीएल) टी–२० क्रिकेटको आगामी सिजनका लागि हुने खेलाडी अक्सनमा नेपालका पाँच खेलाडी समावेश भएका छन्। उनीहरूलाई प्रदर्शन र अनुभवका आधारमा फरक–फरक क्याटेगोरीमा राखिएको छ।
नेपालका प्रमुख स्पिनर सन्दीप लामिछाने क्याटेगोरी बी, अलराउन्डर दीपेन्द्र सिंह ऐरी डी, तथा विकेटकिपर आसिफ शेख, युवा अलराउन्डर गुलशन झा र तीब्र गतिका बलर सोमपाल कामी ई क्याटेगोरीमा सूचीकृत छन्।
सन्दीप विश्वभरका विभिन्न फ्रेन्चाइज लिगमा अनुभवी मानिन्छन् र बीपीएलमा अनुबन्ध हुने प्रमुख दाबेदार मानिन्छन्। ऐरी हाल उत्कृष्ट फर्ममा छन् भने आसिफ, सोमपाल र गुलशनले पनि अक्सनबाट टोली पाउने आशा राखेका छन्।
अक्सनबाट टिमले छानेमा यी पाँचै खेलाडीले आगामी सिजनको बीपीएल खेल्ने मौका पाउनेछन्। बीपीएल विश्वका प्रतिष्ठित टी–२० लिगमध्ये एक हो।
