इरानमा आक्रमणपछि पाकिस्तानस्थित अमेरिकी दूतावासमा आक्रमण
काठमाडौँ । पाकिस्तानमा आइतबार एक उग्र भीडले संयुक्त राज्य अमेरिकाको वाणिज्य दूतावासमा आक्रमण गरेको छ। आक्रमणकारीहरूले दूतावासको बाहिरी सुरक्षा घेरा तोडेर भवनका केही भागमा आगजनी गरेका छन्। यस क्रममा भवनका केही हिस्सामा आगो लागेको बताइएको छ।
स्थानीय सुरक्षा अधिकारीहरूले भनेका छन् ‘भीडको आक्रमण अयातुल्ला अली खामेनेईको संयुक्त अमेरिका–इजरायल सैन्य कारबाहीमा मृत्यु भएको समाचार सार्वजनिक भएपछिको प्रतिक्रिया स्वरूप भएको हो।’
इरानमा आक्रमणपछि अमेरिका र इजरायलविरुद्ध विश्वव्यापी रूपमा आक्रोश र विरोध देखिएको छ। यसै क्रममा पाकिस्तानमा अमेरिकी दूतावासमाथि भएको आक्रमण यस प्रतिक्रियाको एक हिस्सा मानिएको छ।
