सत्तारुढ दल एमालेको काठमाडौंमा आज शक्ति प्रदर्शन

काठमाडौं, ७ मंसिर । सत्तारुढ नेकपा (एमाले) ले आज सडकमा शक्ति प्रदर्शन (जागरणसभा) गर्दैछ ।

अहिले बिहान साढे ११ बजे जुलुस सुरू गरेर साढे १२ बजे दरबारमार्गमा जागरणसभा कार्यक्रम हुन लागेको हो । 

उक्त कार्यक्रमलाई पार्टी अध्यक्षसमेत रहेका प्रधानमन्त्री केपी शर्मा ओलीसहितका एमाले नेताले सम्बोधन गर्ने छन् । 

भद्रकालीबाट जुलुस न्युरोड गेट, वीर हस्पिटल, रत्नपार्क, त्रिचन्द्र क्याम्पसको अगाडिबाट दरबारमार्गमा पुगेर कोणसभामा परिणत हुनेछ ।

एमाले उपमहासचि प्रदीप ज्ञवालीले अराजकता र निराशालाई चिर्न जागरणसभा गर्न लागिएको बताएका छन् ।

 आफैं सरकारको नेतृत्व गरेको एमालेको शक्ति प्रदर्शनलाई कतिपयले आलोचना समेत गरेका छन् ।