दरबारमार्गमा एमालेले शक्ति प्रदर्शन, दिउँसो साढे एक बजे प्रधानमन्त्री ओलीले सम्बोधन गर्ने

काठमाडौं, ७ मंसिर । सत्तारुढ दल नेकपा एमालेले काठमाडौंको दरबारमार्गमा आज शक्ति प्रदर्शन (जागरणसभा) गर्दै छ ।

उक्त जागरणसभालाई दिउँसो साढे एक बजे एमाले अध्यक्षसमेत रहेका प्रधानमन्त्री केपी शर्मा ओलीले सम्बोधन गर्ने छन् ।

सभा हुनुअगाडी एमालेले काठमाडौंको भद्रकालीबाट र्‍याली निकाल्ने छ । र्‍याली सुन्धारा, रत्नपार्क हुँदै दरबारमार्ग पुगेर सभामा परिणत हुने छ ।

यो सभालाई एमालेले ‘जागरण सभा’ नाम दिएको छ । यद्यपी, यस सभालाई एमालेको शक्ति प्रदर्शनको संज्ञा दिइएको छ । 

एमालेले नेतृत्व गरेको वर्तमान सरकारले गरेका कामको प्रचार र भ्रमलाई चिर्ने भन्दै जागरण सभा गर्न लागेको हो ।