काठमाडौंमा एमालेको शक्ति प्रदर्शन

काठमाडौं, ७ मंसिर । सत्तारुढ नेकपा एमालेले काठमाडौंमा र्‍याली निकालेको छ । भद्रकालीबाट सुरु भएको र्‍याली दरबारमार्ग पुगेर सभामा परिणत हुने क्रम चलिरहेको छ । 

पञ्चेबाजासहित सुरु भएको र्‍यालीमा सहभागीहरूले सरकारको समर्थनमा विभिन्न नारा लगाइरहेका छन् ।

उनीहरुले नेकपा एमाले जिन्दावाद, अघि बढ ओली सरकार, सहकारी पीडितलाई न्याय दे लगायतका नारा लगाएका छन् ।

एमालेसहित काठमाडौंमा एकैपटक तीन ठाउँबाट प्रदर्शन हुँदा ट्राफिक व्यवस्थापन भने अस्तव्यस्त बनेको छ । 

एमालेले ‘जागरण सभा’ को नाम दिएर काठमाडौं, भक्तपुर र ललितपुर जिल्ला कमिटीको आयोजनामा कार्यक्रम गरेको हो ।

कार्यक्रमलाई दिउँसो साढे १ बजे एमाले अध्यक्ष तथा प्रधानमन्त्री केपी शर्मा ओलीलगायतका नेताहरूले सम्बोधन गर्ने कार्यक्रम छ ।