कीर्तिपुरमा उपचुनाव: स्वतन्त्र उम्मेदवार राजमान र नरेश श्रेष्ठ उम्मेदवार मिल्दै

काठमाडौं, ९ मंसिर । र्कीर्तिपुर नगरपालिकाको प्रमुख पदका दुई स्वतन्त्र उम्मेदवार मिल्ने भएका छन्। स्वतन्त्र उम्मेदवारी दर्ता गराएका राजमान मानव र नरेश श्रेष्ठले मिल्न लागेका हुन् ।

चुनावी सहकार्य गर्न लागेको दुबै उम्मेदवारले जानकारी दिएका छन् ।  दुई उम्मेदवार सहकार्य गरेको घोषणा सभा गरेर भोलि (सोमबार) विहान जानकारी गराउने तयारी गरिएको छ  । 

धरानका मेयर हर्क साम्पाङ उपस्थित हुने सभामा दुई जना मिलेको घोषणा हुने भनिएको छ । स्वतन्त्र उम्मेदवार राजमानले दुई जना मिल्न लागेको बताए । 

यस्तै, अर्का स्वतन्त्र उम्मेदवार श्रेष्ठले राजमानलाई सहयोग गर्ने संकेत गरे । 

१६ मंसिरमा हुन लागेको उपनिर्वाचनका लागि कीर्तिपुर नगरपालिकामा प्रमुखमा दलका ९ र स्वतन्त्रका ११ जनाले उम्मेदवारी दिएका छन् । स्वतन्त्र उम्मेदवारी दिएका राजमान सरसफाई अभियन्ता हुन् ।