३३ अंकले बढेर २७ सय नाघ्यो नेप्से, बढ्यो कारोबार

काठमाडौं, ११ मंसिर । नेपाल धितोपत्र बोर्डले नेतृत्व पाएसँगै सेयर बजारले सकारात्मक गति लिएको देखिएको छ । 

मंगलबार सेयर बजारले २७ सय अंक नाघेको छ । अघिल्लो दिनको तुलनामा नेप्से परिसूचक ३३.४१ अंकले वृद्धि भएको हो। सो अंकको वृद्धिपछि नेप्से २७१६ अंकमा कायम भएको छ । आज कारोबार रकम पनि बढेको छ । अघिल्लो दिन ६ अर्ब ३४ करोडको भएकोमा यस दिन ७ अर्ब ४४ करोडको कारोबार पुग्यो ।

२११ कम्पनीको मूल्य बढ्दा ३२ को घट्यो भने एउटाको स्थिर रह्यो । सबै सेक्टरका सूचक समेत बढेका छन् । बैंकिङ १.२०, विकास बैंक ०.४९, फाइनान्स १.५१, होटल तथा पर्यटन ०.६४, हाइड्रोपावर १.९७, लगानी १.१३, जीवन बीमा १.०२, उत्पादन १.०८, माइक्रोफाइनान्स ०.८५, निर्जीवन बीमा ०.८१, अन्य १.६८ र व्यापार समूह १.२९ प्रतिशत बढे ।

तीन कम्पनीको मूल्य १० प्रतिशत बढ्यो । सपोर्ट माइक्रोफाइनान्स, युनाइटेड इदी मर्दी हाइड्रोपावर, कुथेली बुखरी स्मल हाइड्रोपावरको मूल्य १० प्रतिशतले उकालो लागेको हो ।  मिथिला लघुवित्त वित्तीय संस्थाको ९.६, अपरहेवाखोलाको ८.८ तथा मायाखोला हाइड्रोपावरको ८.६ प्रतिशत मूल्य बढ्यो ।

थ्रीस्टार हाइड्रोपावरको मूल्य १० प्रतिशत घट्यो । राष्ट्र बैंकले समस्याउन्मुख घोषणा गरेको कर्णाली विकास बैंकको मूल्य ८.४ प्रतिशत घट्यो । सामुदायिक लघुवित्तको ८.१, बेस्ट फाइनान्स ६.१ प्रतिशत मूल्य घट्यो ।

 नेपाल फाइनान्स, ङादी ग्रुप पावर, एनआरएन इन्फ्रास्ट्रक्चर, कर्णाली विकास बैंक र जानाकी फाइनान्स कारोबार रकमका आधारमा क्रमशः अगाडी देखिए ।