एनपिएलः चितवनले दियो पोखरालाई १६२ रनको लक्ष्य

काठमाडौं, १८ मंसिर । रवि बोपारको अर्धशतक मद्दतमा चितवन राइनोजले नेपाल प्रिमियर लिगमा पोखरा एभेन्जर्सलाई १६२ रनको जितका लागि लक्ष्य पेश गरेको छ । 

टीयू खेल मैदानमा टस हारेर पहिले ब्याटिङ गरेको चितवनले बोपाराको ५१ रनको मद्दतमा ७ विकेटको क्षतिमा १६१ रन जोडेको हो  ।

३८ बल खेलेका बोपाराले ३ चौका र ३ छक्का हानेका हुन् । यस्तै, कप्तान कुशल मल्लले २३ बल खर्चिंदै १ चौका र ४ छक्का मदतमा ३८ रन बनाए ।

लुक बेन्केन्सटेइनले १६ र हसन इसाखिलले १४ रन जोडे ।  शरद भेषावकर ११ रनमा अविजित रहे ।