एनपीएल : पोखराविरुद्ध विराटनगर पहिले ब्याटिङ गर्दै

काठमाडौं, २७ मंसिर । राजधानीमा जारी नेपाल प्रिमियर लिग (एनपीएल)मा आजको खेलमा विराटनगर किंग्सले पोखरा एभेन्जर्सविरुद्ध पहिले पहिले ब्याटिङ गर्दैछ । विराटनगरका कप्तान सन्दीप लामिछानेले टस जितेर पहिले ब्याटिङ गर्ने निर्णय गरेका हुन् ।

पोखरा र विराटनगर दुवै टोली पछिल्लो खेलमा पराजयको क्षतिपूर्ति गर्दै कमब्याक गर्ने मुडमा छन् ।दुवै टोलीको अवस्था  अंकतालिकामा समान छ । ४ खेलमा १ जितसहित २ अंक बनाएका छन्  ।नेटरनरेटमा पोखरा केही अगाडि छ । 

आजको खेल जित्ने टोली प्लेअफको दौडमा अगाडि रहनेछ भने हार व्यर्होने टोलीका लागि प्लेअफ यात्रा निकै कठिन हुनेछ । 

पोखराले आजको खेलमा तीन फेरबदल भएको छ । म्याट क्रिट्ले, दिलिप नाथ र आकाश चन्द बाहिरिएका छन् भने जेन मलिक, किरण ठगुन्ना र तृत राज दास भित्रिएका छन् । त्यसैगरी विराटनगरमा दुई परिवर्तन गरिएको छ ।  आकिब इलियास र सुवास भण्डारी बाहिरिँदा स्कट एड्वार्ड्स र अनिल खरेल भित्रिएका छन् ।

पोखरा एभेन्जर्स प्लेइङ:आन्द्रेस गौस, दिनेश खरेल, कुशल भुर्तेल, रेमोन रेइफर, तृत राज दास, माइकल लिस्क, नारायण जोशी, किरण ठगुन्ना, विपिन खत्री, सागर ढकाल, जेन मलिक ।

विराटनगर किंग्स प्लेइङ: मार्टिन गप्टिल, लोकेश बम, निकोलस किर्टोन, नरेन भट्ट, स्कट एडवार्ड्स, बसिर अहमद, दिपक बोहरा, क्रिस सोल, प्रतिश जिसी, सन्दिप लामिछाने, अनिल खरेल ।