प्रधान सेनापति सिग्देल र भारतीय स्थल सेनाध्यक्ष द्विवेदीबिच भेटवार्ता

काठमाडौं, २७ मंसिर । नेपाली सेनाका प्रधानसेनापति अशोकराज सिग्देल र भारतीय स्थल सेनाध्यक्ष जनरल उपेन्द्र द्धिवेदीबीच भेटघाट भएको छ । 

भारतको औपचारिक भ्रमणमा रहेका सेनापति सिग्देल र द्धिवेदीबीच बुधबार भेटघाट भएको सैनिक मुख्यालय जंगी अड्डाले जनाएको छ ।

यसका साथै प्रधानसेनापति सिग्देलले भारतीय राष्ट्रिय सुरक्षा सल्लाहाकार अजित डोभल, चिफ अफ डिफेन्स स्टाफ जनरल अनिल चौहान, रक्षा सचिव, विदेश सचिवसँग पनि बेग्ला–बेग्लै भेट गरेका छन् ।

भारत भ्रमणमा रहेका सिग्देलले दिल्लीस्थित राष्ट्रिय समर स्मारकमा पुष्प गुच्छा चढाई शहीदहरुप्रति श्रद्धान्जली अर्पण समेत गरेका थिए । त्यस क्रममा भारतीय सेनाको एक टुकडीले सम्मान गारत अर्पण गरेको थियो ।