सुपर ओभरमा पोखराले विराटनगरलाई हरायो, रिफर बने नायक

काठमाडौं, २७ मंसिर । काठमाडौंमा जारी नेपाल प्रिमियर लिग (एनपीएल) मा पोखरा एभेन्जर्सले विराटनगर किंग्सलाई सुपर ओभरमा पराजित गरेको छ ।

एनपीएलकै पहिलो सुपर ओभरमा पुगेको खेलम पोखरा पहिले ब्याटिङ गर्दै १८ रनको योगफल बनाएको थियो ।

१९ रनको लक्ष्य लिएर ब्याटिङमा उत्रिएको विराटनगरले १ विकेटको क्षतिमा ५ रन मात्र बनाएपछि पोखराले जित हात पारेको हो । 

निर्धारित खेलको अन्तितम बलमा रेइफरले छक्का प्रहार गर्दै खेल बराबरी गराएका थिए ।

त्यसपछि सुपर ओभरमा उनैले ब्याटिङमा उत्कृष्ट प्रदर्शन गर्दै २ छक्का र एक चौका हान्दा पोखराले १८ रन बनाएको थियो ।

त्यसअघि निर्धराित २० ओभरमा विराटनगर र पोखरा दुवै टिमले १३९ रन बनाएपछि खेल टाई भएको थियो र सुपर ओभरमा पुगेको थियो ।