एकीकृत समाजवादीले नेताहरुको कार्यविभाजन टुंगो लगाउँदै

काठमाडौं, ३० मंसिर । नेकपा एकीकृत समाजवादीको स्थायी कमिटी बैठक आज पनि बस्दै छ । आइतबार दिउँसो १२ बजे बस्ने बैठकले पार्टी केन्द्रीय सदस्यहरुको कार्यविभाजन र कार्ययोजना टुंगो लगाउने छ ।

शनिबारको स्थायी कमिटी बैठकमा आगामी कार्ययोजना र कार्यविभाजनबारे छलफल भएको थियो ।

आज आइतबार पनि छलफल चल्ने र कार्यविभाजन टुंगो लगाउने पार्टी प्रवक्ता जगन्नाथ खतिवडाले बताए । पार्टीको नयाँ कार्ययोजना र कार्यविभाजन टुंगो लगाएर बैठक आजै सम्पन्न गर्ने तयारी रहेको बताइएको छ ।