एनपिएल फाइनल: टस जितेर जनकपुरविरुद्ध पहिले ब्याटिङ गर्दै सुदूरपश्चिम

काठमाडौं, ६ पुस । नेपाल प्रिमियर लिग (एनपीएल ) को फाइनलमा सुदूरपश्चिमले पहिले ब्याटिङमा उत्रिएको छ । सुदूरपश्चिमले टस जितेर पहिले ब्याटिङ गर्ने निर्णय गरेको हो ।

सुदूरपश्चिम दीपेन्द्र सिंह ऐरीको कप्तानीमा तथा जनकपुर आसिफ शेखको कप्तानीमा मैदान उत्रिएका हुन् । दुवै टिममा पछिल्लो खेलबाट कुनै खेलाडी फेरबदल गरिएको छैन । 

आजको सुदूर र जनकपुरबीचको उपाधि भिडन्त रोचक हुने अपेक्षा लिइएको छ ।

सुदूरपश्चिम : विनोद भण्डारी, सैफ अली जैब, ब्राण्डन म्याकमुलेन, दीपेन्द्र सिंह ऐरी, आरिफ शेख, इशान पाण्डे, नरेश बुढाएर, हर्मित सिंह, स्कट कुगेलेइन, नरेन साउद, अविनाश बोहरा

जनकपुर : आसिफ शेख, आकाश त्रिपाठी, लाहिरु मिलान्था, शुभ कंसाकार, हर्श थाकर, जिमी नीशम, मोहम्मद मोहसिन, मयन यादव, शेर मल्ल, किशोर महतो, ललित राजवंशी