एनपीएलको फाइनल हेर्न टीयू मैदानमा दर्शक भरिभराउ

काठमाडौं, ६ पुस । कीर्तिपुरस्थित टीयू क्रिकेट मैदानमा भइरहेको नेपाल प्रिमियर लिग (एनपीएल) को आज फाइनल म्याच हुँदैछ । उपाधि भिडन्तमा सुदूरपश्चिम रोयल्स र जनकपुर बोल्टस्‌  प्रतिस्पर्धा गर्दैछन् ।

 बिहानैदेखि दर्शक टीयू क्रिकेट मैदानमा फाइनल हेर्न खचाखच भरिएका छन् । दुवै  टिम समर्थकले आआफ्ना टिमको समर्थनमा प्लेकार्डसहित उपस्थित जनाएका छन् ।

फाइनलमा टस जितेर जनकपुरविरुद्ध सुदूरपश्चिमले पहिले ब्याटिङ गर्ने निर्णय लिएको छ । दीपेन्द्र सिंह ऐरीको कप्तानीमा सुदूरपश्चिम र जनकपुर आसिफ शेखको कप्तानीमा मुकाबिला गर्नेछन् ।

एनपीएल नेपाली क्रिकेट इतिहासकै सबैभन्दा ठूलो फ्रेन्चाइज प्रतियोगिता हो । यसकारण उपाधि कसले जित्ला भन्ने कौतहुलता दशकको उपस्थितले नै पुष्टि गर्छ ।  यससँगै फाइनल हेर्न दर्शकसमेत उत्साहित देखिन्छन् ।

एनपीएलमा ८ फ्रेन्चाइज टोलीले भाग लिएका थिए । जसमध्ये सुदूरपश्चिम र जनकपुर बोल्टस्‌ले फाइनल भेट पक्का गरेका हुन् ।