संस्कृत विद्यालयलाई नेपाल एसबिआई बैंकको आर्थिक सहयोग

काठमाडौं, ८ पुस । नेपाल एसबिआई बैंकले श्री गायत्री बेद बेदाङ्ग संस्कृत विद्यालय गुरुकुलम, रत्ननगर, चितवनलाई सामाजिक उत्तरदायित्व कार्यक्रम अन्तर्गत आर्थिक सहयोग गरेको छ।

सो अवसरमा बैंकका बागमति प्रदेश कार्यालय प्रमुख प्रविण मुनि बज्राचार्यले श्री गायत्री बेद बेदाङ्ग संस्कृत विद्यालय गुरुकुलमका प्राचार्य,  सुभास चालिसेलाई औपचारिक रूपमा सहयोग रकम हस्तान्तरण गरेका हुन्।

उक्त कार्यक्रमको अवसरमा बैंकका विभिन्न वरिष्ठ अधिकारीहरू र गुरुकुलमका प्रतिनिधिहरूको उपस्थिति थियो। बैंकले समुदाय स्तरमा संस्कृति र सम्पदा संरक्षणको लागि समय-समयमा यस्ता गतिविधिहरू सञ्चालन गर्दै आइरहेको छ ।