एमएडब्लु वृद्धि कमर्सियलद्वारा भक्तपुरमा नयाँ सोकोन शोरुम उद्घाटन

काठमाडौं, १० पुस । नेपालका लागि सोकोन र फोटोन गाडीको आधिकारिक बिक्रेता एमएडब्लू वृद्धी कमर्शियल प्रा.लि.ले भक्तपुरमा आफ्नो पहिलो शोरुमको भव्य उद्घाटन गरेको छ ।

आज (बुधबार) एक विशेष समारोहको आयोजना गरी एमएडब्लू समूहका अध्यक्ष विष्णु कुमार अग्रवाल, एसिया प्यासिफिक आरएचडी क्षेत्र सेरेस ग्रुप कमर्शियल भेहिकल डिभिजनका कन्ट्री म्यानेजर सुन जियाक्सिन, एमएडब्लू वृद्धी कमर्शियलका सीईओ तुषार गुप्ताले संयुक्त रुपमा उक्त शोरुमको औपचारिक उद्घाटन गरेका हुन् ।

उक्त शोरुमको उद्घाटनसँगै एमएडब्लू वृद्धिको विस्तार र ग्राहक उत्कृष्टताप्रतिको प्रतिबद्धतालाई अझै बलियो बनाएको कम्पनीले जनाएको छ ।

भक्तपुरको गट्ठाघरमा अवस्थित शोरुमले आगन्तुकहरूलाई सोकोनका नवीनतम ईभी मोडलहरू प्रदर्शन गर्दै इमर्सिभ अनुभव प्रदान गर्नेछ । ग्राहकको आराम र सुविधालाई ध्यानमा राखेर डिजाइन गरिएको यो सुविधासम्पन्न शोरुममा व्यक्तिगत परामर्श, उत्पादन प्रदर्शन र परीक्षण ड्राइभहरू प्रदान गर्न विशिष्ट प्रशिक्षण प्राप्त कर्मचारीहरूको समर्पित टोली तयार रहने बताइएको छ । 

कार्यक्रमको मुख्य आकर्षणका रूपमा उद्घाटनका क्रममा ११ वटा सोकोन गाडीहरू नयाँ मालिकलाई वितरण गरिएको थियो ।

भक्तपुर शोरुमको उद्घाटनले नेपालमा एमएडब्लु वृद्धिको उपस्थितिलाई बलियो बनाउँदै पहुँचयोग्य र नवीन अटोमोटिभ समाधानहरू उपलब्ध गराउने कम्पनीको प्रतिबद्धतालाई पनि सुदृढ बनाएको  बताइएको छ ।