सिद्धार्थ बैंकले मनायो २२औँ वार्षिकोत्सव

काठमाडौँ, १० पुस । सिद्धार्थ बैंकले स्थापना भएको २२औँ वसन्त पूरा गरेको छ। बैंक सञ्चालनमा आएको २२ वर्ष पूरा भएको अवसरमा बैंकले नक्सालस्थित आफ्नो प्रधान कार्यालय भवनमा कार्यक्रम सम्पन्न गरेको छ।

बैंकका प्रमुख कार्यकारी अधिकृत, नायव प्रमुख कार्यकारी अधिकृत, सहायक प्रमुख कार्यकारी अधिकृत र बैंकमा कार्यरत कर्मचारीको उपस्थितिमा कार्यक्रम सम्पन्न गरी वार्षिकोत्सव मनाएको हो।

बैंकको वार्षिकोत्सवलाई भव्य र सभ्य बनाउने उद्देश्यले विभिन्न कार्यक्रमको आयोजना गरिएको थियो । जसमा फुटसल प्रतियोगिता, टेबल टेनिस, देशका विभिन्न स्थानमा रक्तदान कार्यक्रम सञ्चालन गरिएको थियो । 

डिजिटल बैंकिङलाई प्रोत्साहन गर्ने उद्देश्यका साथ ग्राहकलाई लक्षित गर्दै बैंकले ‘सिद्धार्थ बैंक २२औँ वार्षिकोत्सव अफर’ समेत ल्याएको छ ।