खोटाङमा सुमो दुर्घटना, एक जना घाइते

काठमाडौं, १० पुस । खोटाङमा टाटा सुमो दुर्घटनाग्रस्त हुँदा एक जना यात्रु घाइते भएका छन् ।

घाइते हुनेमा खोटाङकै केपिलासगढी–१ फेदीका ७३ वर्षी दुर्गाप्रसाद राई छन् । खोटाङका डीएसपी प्रतिक बिष्टले उनको उद्दार गरेर उपचारका लागि सदरमुकाम दिक्तेलतर्फ पठाइएको जानकारी दिए । 

काठमाडौंबाट खोटाङ आउँदै गरेको ना १ ज ७१८१ नम्बरको सुमो खोटाङकै केपिलासगढी गाउँपालिका–३ तापखोला नजिकै दुर्घटना भएको थियो।

बाटोमा काठ तेर्सिएपछि हटाउन भनेर चालक शत्रुधन राई झरेको बेलामा दुर्घटना भएको उनले बताए । 

रोकेको सुमो गड्दै करिब २ मिटर तल खसेको र सुमोमा एक जना मात्रै रहेकाले ठूलो मानवीय क्षति हुनबाट जोगिएको प्रहरीले जनाएको छ ।